Zerga eta tasa batzuk bere horretan mantenduko ditu Udalak 2014an, eta besteak %0,6 igoko ditu

2014rako Ordenantza Fis­kalak onartu zituen Plenoak, as­teartean. Hori eta beste ha­mahiru puntu bozkatu zituzten. Guztiak onartu ziren, tartean, Toki Gara­penerako Ba­tzorde Informa­tzailea sor­tzea; kanpoko igerilekuen araudi nagusia; taxien tarifak; Do­nostialdeko Turismo Plana eta Bilduk aur­kez­tutako mo­zioa.

Alokairua bultzatzea, nahia
2014rako Ordenantza Fiska­la­rekin Udalak oinarrizko zer­bitzuak bere horretan man­tentzea erabaki duela azaldu zuen Luis Intxauspe Alka­teak: «zergak ahalik eta gu­txien igo eta oreka manten­tzea bilatu da. Zerga eta tasa batzuk bere horretan geratuko dira, eta besteak %0,6 igoko dira, Hego Euskal He­rriko KPIa izan da kontuan». Ondasun Higiezinen edo etxebizitzen kontribuzioaren kasuan, zerga mantendu egin da, igoerarik gabe; arlo honetan, industrialdean egin­go da igoera, eta hala, konpentsatu. IBIaren errekargua etxebizitza hutsa izateagatik ezarriko de­la ere azaldu zuen Al­kateak, %100a: «Helburua da herritarrek hutsik dituzten etxebizi­tzak alokairuan jartzea, eta Alo­kabide ere, horretarako du­te, nahi izanez gero. Her­nani ikasle herria ere izan litekeela gogoratu zuen Al­ka­teak, esanaz, Basque Cu­linary Center eta Mondragon Uni­ber­tsitateko ikasleek Her­na­nin alokatu dezaketela, ikas­turtean zehar, etxebizitza». Gobernu Taldeak alde bozkatu zuen. EAJk kontra, esanaz, Udalaren egoera eko­nomiko ona ikusita, ez litzatekeela tasarik igo behar. H1! eta PSE-EE abstenitu egin ziren. Estefania Morci­llok, beste arrazoien artean esan zuen, zentzudunena zer­ga eta tasak izoztea zela.

Batzorde berria
Toki Garapenerako Batzor­dea sortzea ere onartu zuen astearteko Plenoak. Enple­gua, Mer­kataritza eta Tu­ris­moa bil­duko ditu. Arlo sozioekonomikoarekin lotura dituzten gaiak landuko dira bertan. Le­hen gai horiek beste Batzorde batzuetan lantzen ziren, En­plegua eta Hezkuntza batera baitzeuden; eta baita Tu­rismoa eta Kultura ere.

Kanpoko igerilekuen araudi nagusia onartu zen
Beñat Amenabarrek hartu zuen hitza Aisialdirako eta Jo­laserako kanpoko igerilekuen puntura iritsi zirenean. Azal­du zuen, udan izaten den jen­de pila kontuan izanda, araudi baten beharra zegoela. Egin duten araudi berria Kirolde­gi­koaren oso antzekoa dela az­pimarratu zuen, eta Ple­noak ona­rtu ostean, publiko egongo dela ikusi eta erreklamazioak jarri ahal izateko. Ple­noak aho batez onartu zuen.

Taxi zerbitzuak %1,9 igo
Buruntzaldean bi taxi konpainia aritzen direla azaldu zuen Alkateak, eta bi proposamen jaso eta gero, adostu zutela 2014rako KPI %1,9 aplikatzea. Alde bozkatu zuten Plenoan bildutako ia guztiek, H1! abstenitu egin baitzen.

Turismo Plana, onartuta
Donostialdeko Turismo Plana izena du Buruntzaldea biltzen duen planak, ikuspegi turistikoa dela eta. Lau ildo nagusitan biltzen ditu planak turismoa bultzatzeko zein estrategia landu litezkeen eta herriz herri nola garatu: Turismo Enogastronomikoa; Turismo his­toriko monumentala; Tu­rismo naturala; eta Kon­gresu eta konferentzi eskaintza. Her­nanik aurreneko hiruak garatu ditzake. Onartu egin zen: PSE-EE abstenitu egin zen eta gainerako alderdiek alde bo­z­katu zuten. 

Bilduren mozioari, bai
Bilduk aurkeztutako Epaiketa po­litiko gehiagorik ez! mozioa onartu zen (EAJ eta H1! abs­te­ni­tu eta PSE-EEk ez zuen bozkatu). Bertan eskatzen da: «epaiketa politiko ge­hia­go ez egotea, eskandaluzko instrukzio bidegabeetan oi­na­rritutako epaiketak artxi­ba­­tzea; proze­du­ra judizialetatik etsaiaren zigor zuzenbidearen aplikazioa de­­­sager­tzea­; aniztasun po­­litikoa eta elkartze, adierazpen nahiz askatasuna politikorako es­ku­bideak errespeta­tzea, eta elkarbizitza demo­kra­t­ikorako oinarri sendoak ezartzea.

ERREGU ETA GALDERAK:
PSE-EEko bozeramaileak har­­­­tu zuen hitza, Erregu eta Gal­­deren tartean. Elias Que­reje­ta­ren omenaldia zertan den galdetu zuen. Alkateak Gracia alabarekin harremanetan dau­dela azaldu zion, rodaje batean egon dela, eta ziurrenik, berarekin hala adostuta, azaroan egingo dela omenaldia. Eusko Jaurlaritzak Iris­garritas­u­ne­rako atera duen dirulaguntzara Udala aurkeztu den ere galdetu zion Mor­cillok. Alkateak baiezkoa eran­­tzun zion,  Urbieta kalea eta Ki­rol­ degia batuko dituen igogailuaren proiektua aurkeztu dela.

Elorrabiko zubia noiz be­rreraikiko den galdetu zion on­doren, herritar batek. Intxaus­pek erantzun zion, dirulaguntza 2011an eskatu zutela eta erdia egiteko dirua eman ziotela Udalari. Eusko Jaurlaritzako hauteskundeak eta aldaketak medio, epe hori pasa egin dela azaldu zion, eta 2014ra arte luzatzea eskatu dutela orain. 2014ko aurrekontuetan ja­sotzeko asmoa dutela esan zuen Intxauspek eta ahal be­zain pronto berreraikitzea.