Iragarri bezala, ikusgarria

Antolatzaileek iragarri bezala, ikusgarria izan zen Sortuko dira besteak emanaldia. Euskal kantu­gin­tzan punta-puntan dabiltzan 6 ahotsek bat egin zuten larunbat gauean, Kiroldegian. Eta be­raie­kin batera, Iosune Marin kan­tautore hernaniarrak. Iraga­na­ri errespetuz begiratu eta etorkizuna aldarrikatu zuten, bertako artista klasikoen doinu­ak berriz interpretatuz eta baita Leonard Cohen, Pablo Mila­nes, Joe Co­cker edo James Brown bezalako nazioarteko ahots mi­ti­koen doinuak euskarara moldatuz.
Estitxu Pinatxoren ahotsak eman zion hasiera eta handik aurrera, bakarka, binaka eta hi­­ru­­naka jardun zuten: Petti eta Mi­xel Ducau, Alex Sardui eta Mi­kel Urdangarin, Olatz Prat, Iosune Marin... Denak batera abestuz bukatu zuten kon­tzer­tua. Aurreikusitako 2 ordu­ak atze­­an utzita, gauerdia pasata bukatu zen. Sorpresentzako tartea ere izan zen; besteak beste, giza harre­sia­ri bu­­ruzko abestia eskaini zuen Sarduik.