Batzar Orokorra izango da ostegunean eta gaien artean, zuzendaritza aldaketa

Urteko Batzar Orokorra egingo du Dobera Euskara Elkarteak ostegunean, 19:00e­tan AEKn (Larramendi 11, behea). Zu­zen­daritza taldearen aldaketa izango da landuko den gaietako bat eta bazkideei dei berezia egiten die Do­berak, batzarrera azaltzeko.
Horrez gain, elkarteak interes haundiko proiektu berriak ditu eskuartean, batez ere, Kronikari lotuta, eta bazkideen parte hartzea garrantzitsua ikusten da.

Txostenak eskuragarri
Batzarrean azalduko diren kontuen gai ordena, honakoa: iazko akta onartzea, 2013-2014ko egitasmoak eta aurrekontua, eta zuzendari­tza taldearen aldaketa.
Iazko akta eta Dobera-Kronikako txostenak lortzeko, elkartetik pasa edo idatzi dobera@dobera.com helbidera.
Loteria, salgai
Urtero bezala, Doberak Ga­bonetako loteria jarri du salgai. Lau puntutan erosi liteke: Aitan-etxe tabernan, Do­rronsoro okindegian, Kide kafetegian eta Dobera-Kro­nikan (Larramendi 11, behea). Aurtengo zenbakia: 01.591.