Euskeraren Nazioarteko Eguna abenduaren 3an izango da, ohi bezala, eta herriko hainbat talde ekitaldi desberdinak prestatzen ari dira egun horretarako. Hernaniko Udal Euskaltegiak, esaterako, mintzodromoa antolatu du abenduaren 5ean.
Elkarrekin euskeraz
aritzeko aukera
Udal Euskaltegiak azaldu duenez, «mintzodromoaren helburua da, euskeraz ikasten ari direnak euskeraz hitz egitera animatzea; euskeraz jakin arren, euskeraz aritzeko aukera gutxi duenari aukera horiek ematea; euskalduna izan arren, ohituraz euskeraz gutxi egiten duenari motibazioa areagotzea... azken batean, elkarrekin euskeraz aritzea».
Euskera, kalera
Oraindik zehaztu gabe dago non egingo den mintzodromoa, baina leku irekiren batean izango dela aurreratu dute: «kalean edo areto zabalen batean; euskera kalera ateratzea baita asmoa».
Izena ematen dutenak lauko taldeetan jarriko dituzte, mahai baten bueltan, eta euskeraz hitz egingo dute 15 bat minutuko hiru txandatan, aldez aurretik zehaztutako gai batzuen inguruan. Bi aukera izango dira: goizeko 10:00etan edo arratsaldeko 18:00etan.
Izena, telefonoz edo emailez
Izena emateko epea zabalik dago, azaroaren 1era arte egongo da zabalik. Izena emateko, bi bide daude: Udal Euskaltegiko telefonora deitu (943 33 18 96) edo emaila idatzi (euskaltegi@hernani.net). Herritarrei dei egiten diete animatu eta parte hartzeko.