Bigarrena aurrez aurre, gaur

Ez du lehia xamurra izango gaur Hernanik, etxean. Hain zuzen, bigarren postuan dagoen El Salvador taldea izango du aurrez aurre. Vallado­lideko taldeak bikain hasi du liga, bost jardunalditan 19 puntu lortuta. Juan Carlos Perezek zuzentzen duen taldea oso talde sendoa da, eskarmentua eta gaztetasuna uztar­tzen dituena. Kontuan hartzeko jokalariak ere baditu: Ge­rar­do De la Llana gaztea, Joe Ma­mea hirugarren lerroko sa­moa­rra (hiru entsaio egin zitu­en pasa den astean, aurreneko ordu erdian) edo Cesar Sem­pe­re, esate baterako. Bestalde, bi jokalari garrantzitsuk taldea utzi dute, besteak beste: Dani Marron eta Jake Carterrek.
Beraz, taldea askorik aldatu ez arren, hazten doala ikusi da denboraldi hasiera honetan eta trikoloreek tentuz jokatu beharko dute.

Arantza ateratzeko asmoz
Aurreko denboraldian, Her­nani nagusitu zitzaion El Salvadorri, Landareko partiduan. Lehia borrokatua izan zen eta gaur emaitza berdina errepikatzeko asmoz aterako dira zelaira etxeko mutilak. Gainera, aurreko asteburuan Santanderren aurka sartutako arantza ateratzeko gogoz dira. Eta zeregin horretan ziur, zaletuen bultzada ez dute faltako. Beraz, motibazio aldetik ez da aitzakiarik izango.
Partidua arratsaldeko 17:00etatik aurrera jokatuko da, Landaren.