Mobilizazio eguna izango da gaur hezkuntzan. Alde batetik, sindikatuen gehiengoak lanuzteak deitu ditu gaur, asteartean bezala, ikastetxe konzertatuetan. Murrizketen aurka eta hitzarmenaren alde izango dira lanuzteak eta Hernaniko Inmakulada ikastetxean murrizketen aurkako kamixeta beltzak jantziko dituzte irakasleek. Lanuzteetarako gehiengo orokorrik lortu ez dela eta, modu horretan egingo dute protesta. Asteartean, 30 irakasletik 20 inguruk jantzi zituzten kamixetak.
Bestetik, STEE-EILAS, CCOO eta FETE-UGT sindikatuek kontzentrazioa deitu dute gaur, 12:30etan Hezkuntza Delegaritzan, LOMCEren aurka. Estatu mailako greba deialdiarekin elkartasunez deitu dute.