‘Parot doktrina’ eta Sevillako presoen egoera hizketagai izan zituzten atzo

Preso eta iheslarien esku­bideen aldeko mugimendu­ak deituta, kontzentrazioa egin zen atzo Plazan. Alde batetik, aste guztian zeresana ematen ari den 197/2006 doktrina izan zuten hizketagai.
Kolektiboko 4 preso herna­nia­rren egoeraren berri eman zuten. «Estrasburgoko epaia­ren ostean, doktrina indarga­betu eta 56 presok kalean egon beharko lukete gaur bertan. Tartean, Pakito Lujan­bio eta In­ma Noble hernania­rrek». 2008­an zuten biek irtee­ra data, eza­rritako kondena bete oste­an, bai­na Parot doktrinaren era­gi­nez, 2014ra eta 2017ra lu­zatu ziz­kieten kartzela zigo­rrak. «5 ur­te gehiago daramaz­kite kar­tze­lan eta oraindik ez dakigu noiz eta zer erabakiko duten», salatu zuten. Auzitegi Nazio­na­­lak atzo jakinarazi zuenez, os­tiralero bilduko dira, azaroa­ren 8tik aurrera, kasuak aztertzeko.
J.J. Zabaleta Baldo eta Asier Ormazabal ere izan zi­tuz­ten gogoan. Hauen kasu­an, ezarri­tako zigorra betetze­ko dutela aplikatu zaie dok­tri­na eta irtee­ra datak be­rri­kusteko eskaerak egin dituzte.

Sevillako presoen gutuna
Sevilla IIko euskal pre­soek  (ber­tan da Gurutz Agi­rresa­robe hernaniarra) gutuna bi­da­li zuten bizi duten egoera­ren berri emanez eta martxan jarri duten borrokal­dia­ren arrazoi­ak azalduz: «Duela lau urte, es­petxe ho­ne­tara lehene­ngo eus­kal pre­soak ekarri gin­tuz­tene­tik, beti isola­menduko mo­dulo bere­zi­an eduki gai­tuz­te. Lau or­­­du­ko patio aldia baino ez du­gu egu­nean eta bertara hi­ru­naka ate­ratzen gaituzte, goiz edo arra­tsalde. Ondo­rioz, bi egu­­nez behin, ziegan 26 ordu ja­­rrai­an igaro behar izaten dugu».

Bi preso jipoituta
Hala jarraitzen du eskuti­tzak: «Patiora ateratzerako­an, metal detektagailutik pasa­razteaz gain, ukime­nez­ko miaketa egi­ten digute gorputz osotik, noiz­nahi barrabilak edo zakila igurtzi­tzeraino eta tentsio une­ak sortuz. Honek eragin­da­ko egoerengatik, 72. artiku­lua de­lakoa ezartzen digute sarri eta artikulu honek sor­tzen duen inpunitateak (ki­deen­­gan­dik ba­natua, bakarta­sun osoa, in­komunikazioa...) on­do­rio larri­ak sortzen ditu askotan:   me­ha­txu eta irai­nak, oheari esku­burdine­kin lotuta buka­tzea eta baita jipoi borti­tzak eman ere. 2010eko azaroa­ren 14an lehe­nengoa, Grapoko kide bati, eta 2013ko martxoaren 25ean bi­ga­rrena, Arkaitz Bellon euskal preso politikoari».

Miaketa integralak
Jakinarazi dutenez, aurrez aurreko bisitetatik bueltan, mia­keta integralak egin izan diz­kiete: «Senideei ere mia­ke­tak egin izan dizkiete eta on­do­rioz, zenbait bisita galdu ditugu».
Sendagilearen asteroko kon­­­­tsulta ere ez dutela ziur­ta­tua diote: «Ezinezkoa zai­gu noiz etorriko den jakitea eta ohikoa da 2 edo 3 astez senda­gilerik ez azaltzea. Hainbat ki­dek osasun arazo kronikoak di­tuztela kontuan hartuta, ezin larriagoa bila­katzen da egoera hau».
Kexa eta salaketak jarri arren, ez dutela erantzunik jaso diote eta borrokari eki­tea dela bide bakarra, «gutxie­neko eskubideak bermatuak iza­teko eta gure aurkako erasoak eteteko». Herritarrei bat egiteko dei egiten diete.

Azaroak 9an, Gernikara
Herriraren aurkako erasoa eta egunero Audientzia Naziona­lean epaitzen ari direnak ere gogora ekarri zituzten. Kon­ponbiderako pausoak ematen jarraitzeko asmoa azaldu zu­ten eta azaroaren 9an Ger­ni­ka­ra joateko dei egin zuten.