Artista eta letra esanguratsuenak, bat eginda

Euskal kanta klasikoak eta egungoak. Baita kanpoko ar­tisten euskerazko molda­ketak ere. Eta horrez gain, sorpresa ugari. Guztia, pun­ta-puntan dabiltzan euskal artisten eskutik. Horixe eskainiko du gaur Sortuko dira besteak emanaldiak.
Alex Sardui (Gatibu), Mi­kel Urdangarin, Petti, Olatz Prat, Estitxu Pinatxo eta Mixel Ducauren (Errobi) ahots esan­guratsuek bat egingo dute. Eta lagun izango dute, besteak beste, hasi berri den Iosune Marin kantautore hernaniarra. Joxan Goikoe­txea hernaniarra ere, musikari lanetan ariko da. Laboa, Lete, Leonard Cohen, Pablo Milanés edo Janis Joplin bezalako artisten interpreta­zio­ak entzun ahal izango dira. Baita Petti edo Mikel Urdan­garinen kantu propioak ere. Sorpresa ugari ere prestatu dituzte eta aurreratu dutenez, Herri harresiarekin bat eginez, abesti bat prestatu dute, Alex Sarduik abestuko duena.

Emanaldi berria; desberdina
Sortuko dira besteak ekimena Euskal Herriko hainbat pla­zatara iritsi da denbora hone­tan, baina argi azaldu dute gaurkoak ez duela zerikusi­rik orain artekoarekin: «Ema­naldiak nobedade ugari izan­go ditu eta sorpresak ere bai. Orain arte ikusi gabea izango da eta hurrengo emanaldiak ere desberdinak izango dira».
2 orduko emanaldia izango da, 25-30 kanta ingurukoa.

Sarrerak erosteko aukera
650 sarrera jarri dituzte salgai eta Oindi, Aralar eta Biterin erosi daitezke 15 euroan. Kiroldegian bertan ere jarriko dituzte 19:30etatik aurrera.