Ekintza ugari, auzoko eguna ospatuz

Urriaren 13an, Portuko auzokideek Portu Eguna ospatu zuten lehendabiziko aldiz. Ekintza ugari antolatu zituzten: umeentzako sagardoa egiteko prozesua (sagardoa jaso, lehertu eta prentsatu, muztioa egiteko); patata tortilla txapelketa (32 aurkeztu ziren eta sariak Fagollagan eta Sagardotegi batean bazkariak izan ziren); bazkari mundiala 100 lagun elkartuz; eta ondoren, dantzaldia Bide Ertzean taldearekin. Bukatzeko, gaztainak jan zituzten.