«Guztiok dauzkagu aurreiritziak eta guztiok noizbait zurrumurruren bat sinestu edo zabaldu dugu. Beraz, etorkinen inguruko aurreiritziak dituen pertsona batengana iristeko, bere lekuan jartzen saiatu behar gara eta ez dugu sekulako espektatiba izan behar. Gure argumentuak behin eta berriz errepikatzen ez dugu ezer lortuko. Argumentu onak baino askoz garrantzitsuagoak dira beste elementu batzuk: entzuten jakitea, enpatia, galdetzea, ulertzea, errespetuz jokatzea, ondo komunikatzea...», halaxe azaldu dio Raquel Moreno soziologoak Kronikari. Moreno D-CASeko (Colectivo de Analistas Sociales) kidea da eta gaur zurrumurruak argitzeko tailer bat emango du. AMHERek antolatutako tailerretatik hirugarrena da. 18:00etan izango da Biterin. Zurrumurruen aurrean nola jokatu erakutsiko du. 3 orduko saioa Zurrumurruak zabaltzen dituen pertsona batek modu horretan jokatzeko, zer esperientzia izan duen jakitea garrantzitsua da Morenoren esanetan. Behin bere egoera ezagututa, zalantza sortzea eta erreflexioa eragitea errazagoa dela dio. «Helburua da jarrera kritikoa piztea beregan. Zergatik sinesten duzu zurrumurru hori? Baina beti errespetuarekin eta inor gutxietsi gabe». Egoera edo komentarioen aurrean norbere burua kontrolatzen jakitea ere garrantzitsua dela dio Morenok: «Askotan gu izaten gara arazoa eztabaidan, salta egiten baitugu». Tailer honen bidez, jarrera profesionalagoa eta teknikoagoa izateko erremintak emango ditu Morenok.
3 orduko saioa
izango da eta adibide praktikoak landuko dituzte.
Bestalde, soziologo katalanak dio, esperientzia txarrak izaten direla tarteka eta horietatik ikasi eta alde positiboak atera behar direla.