Euskal Herriko hainbat hiri eta plazatan arrakasta izan ostean, Hernanira iritsiko da larunbatean, Sortuko dira besteak emanaldia. Bere ibilbide bat egina duten euskal artistak elkartu, eta kontzertu eta ikuskizun guztiz bitxia eskaintzen dute, garai bateko kantak eta letrak errekuperatu, eta moldatu eta kanta berriak emanez. «Iraganari errespetuz begiratu eta etorkizuna aldarrikatzen duen errezitaldi gogoangarria» antolatzaileen hitzetan.
Ahots esanguratsuak, letra esanguratsuak
Hernanin sei ahots ezagun izango dira, eta bidea hasi berri dutenak ere bai. Alex Sardui, Mikel Urdangarin, Petti, Olatz Prat, Estitxu Pinatxo eta Mixel Ducau-k kantatuko dute elkarrekin, eta horrez gain, Iosune Marin hernaniar gaztearen ahotsa ere entzungo da. Musika ere ariko da Marin, eta horretan beste hernaniar bat izango du lagun, Joxan Goikoetxea, hain zuzen.
Letrak ere bertako kantautore klasikoen interpretazioak dira, eta Leonard Cohen, Pablo Milanés, José Afonso, Joe Cocker edo Janis Joplin bezalako artisten doinuak euskarara moldatu dituzte. Horretan ere laguntza ezinhobea izan dute: Atxaga, Uribe, Arzallus, Garzia...
Saioa, larunbatean, 21:30etan, kiroldegian. Txartelak salgai Oindi eta Aralar tabernetan, eta Biterin, 15 euroan.
‘Sortuko dira besteak’ larunbatean, Hernanin
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!
Egin zaitez KronikaKide!