Gipuzkoako Gizarte Politikako diputatu Ander Rodriguezek bere babesa azaldu zion atzo «Hernani eta Astigarragan egiten ari diren integrazio prozesuari, Arartekoak eredugarritzat jo duena», azaldu zuen. Batez ere, lorpen garrantzitsutzat jo du, errumaniarren kanpamenduko haurrekin egindako lana. Gaineratu zuen, asentamenduak 2017rako deseginda egongo direla, «bertako biztanleek gizarteratzeko proiektua osatu ondoren». Urte bukaerarako zazpi txabola kenduko dituzte: lau familia etxebizitza normalizatuetan egongo dira eta beste hiru, zubi lanak egiteko etxeetan.
Diputatuak argitu zuen, pertsona hauek 7 urte daramazkitela gune inundagarrian bizitzen eta larrialdi egoeratan kontuan izaten direla eta babesa ematen zaiela, beste kasuetan bezala.
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!