Festarako aitzakiarik ez da faltako gaur Txantxillan

Txantxilla auzoko festa antolatu dute gaur, aurre­neko aldiz. Eta auzo elkar­teak egitarau zabala antola­tu du, indarrean hasteko. Egun osoko festa izango da. Dianarekin esnatuko dira auzotarrak eta ondoren, kros herrikoiari ekingo diote.

Kros herrikoia: Santa Barbara igo eta jaitsi
Kros herrikoia 10:30etan abia­tuko da (aurretik kros txikia egingo da auzoan). San­ta Barbara igo eta jaitsi egin beharko dute parte har­tzaileek, hau da, 6 km inguru. Parte hartu nahi dutenek, gaur bertan izango dute auke­­ra izena emateko, 10 euroan.
Sari ederrak izango dira, besteak beste, irabazleentzat eta baita Santa Barbara ermi­tako kanpaia jotzen duen aurre­nekoarentzat ere. Sari banaketan, Peru Alfaro atle­ta­ri omenaldi txiki bat egingo diote.

Txupinazoa, Xanti ‘Salsero’ren eskutik
«Gurea auzo be­rria da, baina lehenago ere he­men hainbat familia bizi izan da. Txupinazoan hori gogora­tuko dugu», azaldu dute Jai Batzordeko kideek. Eta hori horrela, txupinazoa Xanti Zubeldia Salserok botako du, Txantxillan urte lu­zez bara­tza eta etxola eduki­takoa eta herriko festei oso lotua. 12:00etan izango da hori. Handik aurrera, ez da ekintzarik faltako. Entzie­rroa ere antolatu dute, gurpildun zezenekin.

Tortillak entregatzeko
45 minutu
Arratsaldeko 18:00etan, pa­ta­ta tortilla lehiaketa hasiko da eta tortillak entregatzeko 45 minutu izango dira. On­do­ren, tortilla pintxoak doan ba­natuko dituzte. Go­se dena­rentzat, sardin jatea ere izan­go da. Eta parranda luza­tze­ko, BH Rojaren kontzertua. Hasi bezala, txupinazoa­re­kin bukatuko dira festak.

EGITARAUA:
Esnatzeko, diana.
10:30, herri krosa: Txantxilla-Santa Barbara-Txantxilla. Aurretik, kros txikia.
Sari banaketan, Peru Alfarori omenaldia.
10:30, gaztetxoentzako
tailerrak, Gazte Txokoarekin.
10:30, haurrentzako jolasak.
Egun osoan, puzgarriak eta barrakak.
12:00, txupinazoa, Xanti Zubeldia ‘Salsero’ren eskutik.
Ondoren, erraldoi eta buruhaundiak, eta txistulariak.
Gero, pintxo-potea karpan.
13:00, paella razioak karpan.
17:00, haurrentzako ikuskizuna, Apaxi kontalariarekin.
Ondoren, txikientzako
entzierroa.
18:00, txokolatada.
18:00, patata tortilla lehiaketa. Entre­gatzeko ordua, 18:45etan itxiko da.
Ondoren, Hernaniko bertsolari gazteak. Epaile lanetan ere ariko dira.
Ondoren, sardin jatea.
22:00, BH Rojaren kontzertua.
00:00, festa amaierako
txupinazoa eta traka.