Lizeagan memoria egiteko eguna dute gaur, 50 urte bete baitira urbanizazioa egin zela. Ekitaldi ofiziala, eguerdiko 12:30etan egingo dute Gay Murren, eta bertan aurreskua dantzatuko da, eta plaka bat jarriko da oroigarri gisan.
Musika Bandak kontzertua
Hernaniko Musika Bandak ondoren joko du, 13:00ean, eta 5 obra interpretatuko dituzte. Egun berezia du bandak ere, Pedro Cárcamok azkeneko aldiz joko baitu bandako kide gisara, 38 urtez bertan aritu eta gero.
Goizean Zaharren Egoitzan
Ekitaldi ofizialaz gain, ordea, aurreskua dantzatzera joango dira 11:30etan Zaharren Egoitzara, eta festa bukatzeko, bazkaria egingo dute.