Amaia Irazustabarrenak finalerdia jokatuko du gaur, Uruguairen kontra, 22 urtez azpiko munduko trinkete txapelketan. Espainiako selekzioarekin ari da jokatzen Irazustabarrena, txandaka, Rebeka Contin eta Maitane Aburuzarekin. Ligaxkako bi partiduetatik bat jokatu du Irazustabarrenak, eta erraz irabazi, Contin lagun duela, Venezuelaren kontra. Beste partidua, Continek eta Aburuzak jokatu dute, Frantziaren kontra, eta juxtu-juxtu irabazi.
Argentinak eman du
sorpresa
Espero ez zela, Argentinak eman du ustekabekoa txapelketan, ligaxkako bi partiduak irabazita. Uruguai zen berez faborito, baina ligaxkan galdu egin du Argentinaren kontra, beraz, taldeko bigarren geratu da.
Espainiako selekzioak lehenengo postua lortu du bere taldean, eta beste taldeko bigarrenaren kontra jokatuko du finalerdia, hain zuzen, Uruguairekin kontra.
Aurkari gogorrak
Hemendik aurrera, ez dago partidu errazik. Uruguai bera oso gogorra da, Argentinak sorpresa eman du, eta Frantziak ere nahikoa lan eman dizkie aurreko partiduan.