berez gaur da hastekoa 35/02 sumarioa, edo herriko tabernen kasua deitu diotena. Ezker abertzaleko 40 kideren kontrako epaiketa da, eta tartean dago hernaniar bat, Juanpe Plaza. Plazari 10 urteko kartzela zigorra eskatzen diote. Garin taberna eta Plaza Berriko lokal bat ere auzibidean dira.
«Epaiketa politikoa»
Sortuk bere garaian adierazi zuen, epaiketa erabat politikoaren aurrean gaudela, eta «bake prozesuari erasotzea» dela Espainiako Gobernuaren helburua. PPk bakeari beldurra diola dio Sortuk, «badakielako herri honi bere etorkizuna erabakitzeko aukera ematen zaionean, estatu bat eraikitzea erabakiko duela. Horregatik, gatazka betirakoa izan dedila nahi du PPk».
Sortuk adieraziaren arabera, «herri moduan, arrazoi demokratiko osoz erantzungo diegu; neurriko erantzuna emango diegu, epaiketa eta eraso politikoen aurrean, konponbidearen alde egiteko».