Gipuzkoako Txapelketako azken fasea jokatzeko boleto asko dituzte bi bikote hernaniarrek: Ojuel eta Aizpitartek 1go mailan, eta Altunak eta Etxegoienek 3garren mailan.
Ojuelek eta Aizpitartek partidurik galdu gabe jarraitzen dute, eta azken asteburuan ere erraz irabazi dute, 22-8, Lagunak taldeko bikotearen kontra. Altunak eta Etxegoienek ere eutsi egiten diote azken fasea jokatzeko aukerari, berriz ere irabazi egin baitute asteburuan. Murumendiri erraz irabazi zioen, 22-4.
Gainerakoak galdu
Guztira 6 partidu jokatu dituzte hernaniarrek, asteburuan, eta emaitza pattal xamarrak izan dira, lau partidu galdu baitituzte, eta bi soilik irabazi.
Lopez eta Altunak estu hartu zituzten aurkariak, nagusietan, Aurrera Saiaz taldearen kontra 22-18 galdu baitzuten. Arizkorretak eta Zurutuzak berriz, beste muturreko emaitza ekarri zuten, aurkezterik ez zuten izan, eta 22-0 galdu zuten. Urkizuk eta San Sebastianek 22-14 galdu zuten, horiek ere Aurrera Saiazen kontra. Eta azkenik, kadete mailan, Arizmendik eta Berasartek tantu erdiak egin zituzten Bergarako bikotearen kontra, 22-11, azken emaitza.