Iñaki Zelaiak hirugarren postua lortu zuen atzo, Hendaiako kanporaketan. Hernaniarrak saio polita egin zuen eta 611 puntu lortu zituen. Orain sailkapen orokorraren zain egon behar du. Dena dela, atzoko eta aurreko kanporaketetako emaitzak ikusita, nahiko zaila dauka finalaurrekoetarako pasea lortzea. Irabazlea Julio Soto izan zen 653 punturekin. Bigarren postuan, berriz, Amaia Agirre geratu zen 642,5 punturekin.
Bertso eskolako 3 ordezkari, gaur Altsasun
Gaur, Unai Agirre, Beñat Gaztelumendi eta Jexux Mari Irazuren txanda izango da. Altsasuko Burunda pelotalekuan ariko dira, 17:30etatik aurrera. Aurreko kanporaketetan bezala, txapelduna zuzenean sailkatuko da finalaurrekora. Beraiekin batera,
Erika Lagoma, Xabier Silveira eta Oihane Perea ariko dira; azken biak, Nafarroa eta Arabako txapeldunak. Sarrerarik ez da geratzen.