Mireia Gabilondo zuzendariak pantaila haundira eraman du Karmele Jaioren Amaren eskuak eleberria. Besteak beste, Zinemaldian ikusteko aukera izan da, Zinemira sailean, eta orain, Hernanin izango da ikusgai. Euskal film honekin emango zaio hasiera Biteriko zinearen ikasturte berriari. Gaur 22:30etatik aurrera izango da ikusgai. Bihar (19:30 eta 22:30) eta etzi (19:30) ere izango da ikusteko aukera.
Alzheimerrari aurre eginez
Nereak 38 urte ditu. Bizitza familiarra eta profesionala uztartu nahi dituen ama da. Egunkari bateko erredakzioan egiten du lan. Egun batetik bestera, ordea, Nereak bere bizitzan duen desoreka haunditu egingo da bere ama Luisa, memoria galtzen hasita, ospitalera eramango duten egunean.
Umeentzat, ‘Montruos University’
Umeentzako ere izango da zine emanaldia, asteburuan (bihar eta etzi, 16:30etan). Montruos University emango dute. Filmak kontatzen du nola gainditzen dituzten Mike-k eta Sulley-k elkarren arteko desberdintasunak.