Bertsolari Txapelketa Nagusia aurrera doa eta Hernaniko bertso eskolako 4 kidek kanporaketak izango dituzte asteburu honetan. Iñaki Zelaia hernaniarraren txanda bihar izango da. Hendaian kantatuko du, Beltzenia ezker paretan, 17:30etatik aurrera.
Gainerako hirurak, Unai Agirre, Beñat Gaztelumendi eta Jexux Mari Irazu, igandean ariko dira bertsotan, Altsasuko Behar-zana pelotalekuan, ordu berean hasita, 17:30etan.
Irabazlea, finalaurrekora
Kanporaketetan irabazten duena, zuzenean sailkatuko da finalaurrekora. Biharko kanporaketan, Zelaia honako bost bertsolarirekin neurtuko da: Amaia Agirre, Felix Zubia, Iban Urdangarin, Iñaki Apalategi eta Julio Soto.
Sarrerak salgai daude www.bertsozale.com helbidean.
Altsasurako sarrerarik ez
Altsasuko kanporaketarako ez da sarrerarik geratzen. Agirre, Gaztelumendi eta Irazurekin honako hiru bertsolari ariko dira: Erika Lagoma, Oihane Perea eta Xabier Silveira.
Laburu eta Mendiluze,
finalaurrekoan zain
Agin Laburu bertso eskolako kideak aurreko larunbatean hartu zuen bigarren kanporaketan parte eta irabaztearekin, finalaurrekorako pasea lortu zuen. Aitor Mendiluze ere finalaurrekoan izango da, 2009ko Txapelketa Nagusian finalista izan bai-tzen. Maialen Lujanbio egungo txapelduna, berriz, finalean izango da zain.
Zelaia, Agirre, Gaztelumendi eta Irazu, finalaurreko pasearen bila
Iñaki Zelaiak bihar hartuko du parte, hirugarren kanporaketan, Hendaian. Gainerakoak Altsasun izango dira, igandean.
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!
Egin zaitez KronikaKide!