Euskal dantzak gustoko dituenak, huts egin ezin duen hitzordua dauka bihar Atsegindegin. Hasteko, Iruñeako Ortzadar dantza taldeak dan-tza saio berezia eskainiko du, 18:30etatik aurrera. Dantza saio hori, elkartruke baten emaitza da, hau da, Hernaniko Musika Eskolako herri soinu tresnetako ikasleek eta Oiartzungo herri musika eskolakoek Ortzadar taldearekin egindako elkatrukea. Ortzadar Euskal Folklore Taldea 1974an sortu zen Iruñean eta orduz geroztik, euskal musika eta dantza tradizionalaren inguruan ikerketa eta zabaltze lan izugarria egin du. Erreferente izan da. Ondoren, 19:30etan, erromeria izango da Jeiki Hadi taldearen eskutik, dantzarako gogoa duen guztiarentzat. Erromeria, San Joan Konpartsak antolatu du, hilabetero bezala.