Agin Laburu finalerdietara, Markinan irabazita

Finalerdietara zuzen zuzenean pasa da Agin Laburu Hernaniko bertso eskolako kidea, atzo Markina-Xemein­en erraz irabazita. 699,5 pun­tu lortu zituen astigartarrak, eta ia saio guztietan nagusitu zen. Ofiziotan asko egin zuen bertsotan, eta erantzun bat edo beste bikainak bota zituen. Jone Uriak 677 puntu bildu zituen, eta saio ederra egin zuen berak ere. Hurren­goak urruti ibili ziren: Onintza Enbeitak 623 puntu; Eneko Abasolok 599,5; Eneko Fernandezek 598; eta Beñat Ugartetxeak 577,5.