arrazismoaren kontrako ekitaldia izango da larunbatean, 10:00etatik 14:00etara Atsegindegin. Alwan Revolution taldeak film labur bat eta bideoklipa egin ditu, arrazakeriaren kontra, eta Hernanin egingo du aurkezpen ofiziala.
6 gaztek egindako lana, aurreiritzien kontra
2013an hasi ziren lanean, sei gazte, Kolore Guztiak taldearen bidez elkar ezagutzen zutenak. Senegal, Donostia eta Marokokoak dira, eta erabaki zuten zerbait egitea etorkinekiko aurreiritzien kontra. Bi lan egin dituzte, irudia eta musika erabilita: Oyenos bideoklipa, eta Tú decides film laburra.
Urtebeteko lana izan da, eta dagoeneko interneten ikusi litezke, youtuben, oyenos alwan jarrita edo tu decides alwan jarrita. 1.000 bisitaritik gora izan dituzte.
Europako laguntza
Jovenes en accion programaren diru-laguntza lortu dute, Europar Batasuneko arrazakeriaren kontrako programarena, hain zuzen. Horrez gain, grabazioan 25 pertsonak parte hartu dute, eta Hondarribiko parketxean egin dute.
«Udalak erreztasunak»
Hernanin aurkeztuko dute egindako lana, larunbatean. «Aurkezpena Donostiatik ateratzea erabaki genuen, eta Hernaniko Udalak erraztasun asko eman zizkigunez, bertan egingo dugu».
10:00etan, graffitiak, txapa tailerrak eta abar. 11:00etan Rolo y Monqui Gasteizko musika taldea. 11:45etan aurkezpen ofiziala, proiektuarena. 12:00etan Resistencia Donostiako musika taldea. Ondoren, mikrofono irekiak, hamaiketakoa eta abar izango dira, 14:00ak aldera arte.