alboka kontzertuarekin hasiko da gaur, Hernaniko Alboka Topaketa, aurten 20garren urtez egingo dena. Hernaniko Alboka taldeak antolatu du urtero festa hori, eta gaur, beraiek izango dira protagonista, Biterin eskainiko duten emanaldian.
Ikasleak eta ikasle ohiak
1994an sortu zen Alboka taldea, Hernaniko Musika Eskolaren barruan. Inguruko eskoletan haundiena eta erreferentziazkoa izan da talde hori, eta besteak beste, berak antolatu du 20 urtez Euskal Herriko albokarien topaketa. Gaur 12 kanta joko dituzte Biterin, 19:30etatik aurrera, eta bertan izango dira oraingo ikasleak eta ikasle ohiak.
Albokaren ibilbideari kiñua
Gaurko kontzertuan «kiñua» egin nahi diote albokak izan duen ibilbideari, eta etorkizuneko bide posibleei.
Hauexek 12 kantak: Jota+ Porru+Martxa, Gorrotxategitarren Jota+Porru+Martxa, Baltzolara bidean, Zirkinipez, Jauntxoa, Txakur berdea, Leonen Orroak, Albokaren jotia, Martxa Errena, Sol-sol jota eta arina, Fandango Aparta eta Saltoka.