Gipuzkoako Txapelketako hirugarren jardunaldia jokatu da asteburu honetan eta Hernaniko pelotariek emaitza onak lortu dituzte. Denera, 4 garaipen eta 3 porrot. Senior aurreneko mailan, Arrieta eta Aizpitartek bigarren garaipena lortu dute, 22-9 irabazita Bergarari. Maila horri eusten badiote, Ohorezko Mailara igo eta txapelak lortzeko helburua beteko dute.
Maila berean, Urkizu eta Lizeagak galdu egin zuten, bigarren partidua jarraian. 22-18 galdu zuten Belokiren kontra. Hori horrela, mailaz igotzeko aukera zaildu egin zaie, baina oraindik bada aukera.
Pagola eta Lazkano
kadeteek, 3 garaipen
Bigarren mailako jubeniletan, Loiarte eta Cisnerosek ere bigarren garaipena lortu dute eta aurreikusitakoa betetzen ari dira. Horri eutsiz gero, azken fasean sartzeko aukera izango dute.
Pagola eta Lazkano, bigarren mailako kadeteak ere, oso fuerte dabiltza; jokatutako hiru partiduak irabazi dituzte. Hala jarraitzen badute, azken fasean sartzea lortuko dute.