Aspaldiko kontzerturik jendetsuena

Barricadaren abesti ba­tek dioen bezala, «gaurkoa, rock&roll gaua da». Eta halaxe izan zen larunbat gaua; Hernanin aspaldi izan den kontzerturik jendetsuena. Lau taldek jo zuten Rock Fest jaialdiaren barruan: Aski da (Orereta), The Zepo (Hernani), Gaur ez (Iruñea) eta Barricada historikoak (Iruñea). Iluntzetik aurrera hasi ziren kontzertuak Atsegin­de­gin eta girorik ez zen falta izan hasieratik. Dena dela, gauerdian beste era bateko mugimendua izan zen. Lepo bete zen plaza; Barri­cadak noiz joko zain zeuden denak. 15 minutu beranduago, ta­bladu gainean ziren Boni, Al­fre­do, Ander eta Ibi. Garai ba­­­te­ko abesti mitikoak eta be­rri­e­nak jo zituzten 2 orduko ema­nal­di­an. Bestalde, 30 urteko ibilbidea ez du alferrik taldeak eta irudi polita utzi zuen: 3 generazio batera, eta guraso eta seme-alabak leku berean parrandan.