Azken urteetan bezalaxe, emanaldi berezi bat antolatu dute Leoka labaderoan, Emakumeentzako Jabetze Eskolei hasiera emateko. Emanaldi hori ostiralean izango da 22:00etan. Garbiñe Insausti musikari eta aktore hernaniarrak eta Iñaki Salvador musikari donostiarrak Nemekitepá emanaldia eskainiko dute.
Nemekitepá, bidaia bat da, ibilbide musikal bat. Bertan, leku batetik bestera bidaiatzeko aukera izango da melodia desberdinen bidez. Paris eta bere Chanson Françaisetik, ipar-ameriketako jazzera, Buenos Aireseko tangora, Brasileko bossa novara... Insaustik ahotsa jarriko dio emanaldiari eta Salvador pianoan ariko da.
Lau ikastaro
Lau ikastaro antolatu dituzte Udal Berdintasun Sailak eta Berdintasun Kontseiluak Jabetze Eskolen barruan: Bertso eskola feminista, Gorputza eta desira, Plazer ezkutua eta Bestelako historia da. Urria eta azaroan izango dira eta izen ematea zabalik dago urriaren 4ra arte. Informazioa: 943 33 70 17 edo maialen-a@hernani.net. Haurtzaindegi zerbitzua ere bada.
Larramendi kaletik Portura doan bidea moztuta egongo da Leoka parean (21:50-23:30).