Iazko arrakasta ikusita, Bakailu Astea antolatu dute aurten ere Berriak elkarteak, Donostialdea Turismoguneak eta Udalak, herriko merkatari eta ostalarien laguntzarekin. Bigarren Bakailu Astea urriaren 14tik 20ra izango da eta iaz bezala, Bakailua pil-pil erara lehiaketa ere antolatu dute azken egunean. Atsegindegin izango da 11:00etatik 12:30etara eta parte hartu nahi dutenek izena eman behar dute aurretik. Bikoteka hartu behar da parte eta gehienez, 25 bikotek eman dezakete izena. Beranduenez, urriaren 11n eman daiteke izena, lekurik geratzen bada.
Beraz, bakailu prestatzaile onenaren titulua lortzeko, hilabete besterik ez da geratzen azken truko eta ikutuak ikasteko.
Hiru onenentzat sariak
Izen ematea dohainik izango da eta zenbait material antolatzaileek jarriko dituzte: 2 kilo bakailu, mahaia, egurrezko ohola eta mantala. Beste osagaiak (sua, kazola...) norberak eraman beharko ditu.
Prestatutako bakailuak antolatzaileen esku geratuko dira eta ondoren pintxotan banatuko dituzte.
Hiru hoberenak izango dira sarituak eta lehiaketan parte hartzen dutenen artean, 2 pertsonentzako afaria ere zozketatuko da (Hernaniko jatetxe batean).
Izena emateko, bi bide
Parte hartu nahi dutenek bi bide dituzte izena emateko: gurutze-a@hernani.net eta
943 33 70 28.
Entrenatzeko hilabete, titulua lortu aurretik
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!
Egin zaitez KronikaKide!