Ez zuen gutxi balio atzoko garaipenak!

Ez zuen gutxi balio; ez horixe! Santboiana faborito zelako, katalanei oso ondo jokatuta irabazi zietelako, indarra eman dielako, lau puntu direlako... Hernanik 29-23 irabazi zuen atzo Landaren, eta ondo merezita irabazi ere, ligako bigarren partidua. Hernania­rren presioak, eta Genuaren ezker hankak erabaki zuten partidua, neurri haundi batean (19 puntu lortu zituen kapitainak, jaurtiketen bidez),

0-6, hasiera zaila
Hasiera zaila izan zuten hernaniarrek, Santboianak bi zigor golpe jarraian sartu baitzituen 5 minutu betetzerako, eta Hernanik berriz, izan zuen aukera huts egin. Erreakzioa segituan etorri zen. Presioan sekulako lana egin zuten hernaniarrek eta aukerak iritsi ziren. Genuak zigor golpea
(3-6), Gar­men­diak zigor-en­tsaioa (8-6), eta Genuak gauzaketa (10-6). Kataluniarrek ez zuten arnasik hartzen... Ola­nok entsaioa (15-6) eta Genuak gauzaketa (17-6).

Bigarren zatian Genuaren hankak bazekien nora begiratu: dropa (20-6), eta zaleak txoratzen. Santboianak entsaioa egin (20-11), eta hiru zigor golperekin erantzun zien hernaniarren kapitainak (23-11, 26-11, eta 29-11).
Ez ziren minutu asko falta, eta Santboianak bere atzaparrak atera zituen: bi entsaio eta gauzaketa bat (29-23), baina berandutxo zen. Her­na­ni gehiago izan zen atzo.

Datorren larunbatean, Or­di­ziaren kontra, Altamiran.