Martxan da berriz Hernanin, Daiteke zerbitzua, hau da, Lanbideko zentru laguntzailea. Eta lan bila dabiltzanei zuzenduta, 7 tailer antolatu ditu urritik abendura bitarte. Aurrenekoa urriaren 2an izango da, asteazkenean, 10:00etatik 12:00etara. Proba psikotekniko desberdinetan nola aritu erakutsiko dute. Tailer guztiak taldekakoak izango dira, bi ordukoak eta doakoak. Lekua: Sandiusterri 1, gizarte zerbitzuak. Ikastaroa jasotzeko izena eman behar da aurretik: 943 57 54 24/688 635 282 edo jaionea@daiteke.com.
Bitartekaritza, orientazioa...
Taldeko tailerrez gain, beste hainbat zerbitzu ere eskaintzen ditu Daitekek: lan bitartekaritza eta norberari egokitutako orientazioa, beharraren araberako formazioa... Informazio gehiago, helbide honetan: www.daiteke.com.
TALDEKO TAILERRAK
- Proba psikoteknikoetan aritu:
Urriak 2 asteazkena (10:00-12:00).
Proba psikotekniko desberdinetan trebetasuna lortu, hautaketa prozesu batean parte hartzeko; emaitzak ebaluatu eta proba bakoitzak ze gaitasun neurtzen dituen ezagutu.
- Curriculuma eta aurkezpena:
Urriak 9 asteazkena (10:00-12:00).
Nola sortu nere curriculuma? Zeintzuk dira curriculumaren joera berriak? Nola egin aurkezpen gutunak? Tailerrera norberaren curriculuma eraman behar da, izanez gero.
- Formakuntza eta lana bilatzea interneten:
Urriak 23 asteazkena (10:00-12:00).
Interneten ibili, lan eskaintzak bilatu web orrietan, ikastaroak bilatu...
- Gizarte trebetasunak:
Azaroak 8 ostirala (10:00-12:00).
Komunikazioa: komunikazioan ze elementuk oztopatzen gaitu? Mota desberdinetako komunikazioa: hitzezko komunikazioa, hitzik gabeko komunikazioa, sentimentuen trebetasuna...
- Sare sozialen erabilera, lana bilatzeko:
Azaroak 22 ostirala (10:00-12:00).
Sare sozialen erabilera, lana bilatzeko: Facebook, twitter, linkedin...
- Hautaketa prozesurako talde-dinamika:
Abenduak 4 asteazkena (10:00-12:00).
Talde-dinamika batean parte hartu eta trebetasuna lortu, hautaketa prozesua egiteko. Ebaluatu eta autoebaluatu dinamika bera.
- Bakarkako elkarrizketa landu:
Abenduak 18 asteazkena (10:00-12:00).
Nolako elkarrizketak daude? Zer hartu behar da kontuan? Giza trebetasunak, komunikazioa, galderak... landu elkarrizketa egiteko.