«Nadie evita la paliza por salir corriendo», askok gogoan izango du letra hura edo Pidemelo otra vez, edo No hay tregua, edo hainbat eta hainbat... Barricada taldeak bizi bizirik jarraitzen du oraindik, eta datorren larunbatean Hernanin joko du, I. Hernani Rock Fest 2013 kontzertuan.
Hernanin lehenengo aldiz, 30 urte eta gero
Lehendabiziko Noche de rock&roll disko hartatik 18 disko kaleratu ditu Barricadak eta 30 urte pasa dira. Hernanin zalerik faltako ez duten arren, inoiz kontzerturik eman gabeak dira, eta larunatean izango dira hemen lehenengo aldiz. Alfredo eta Boni gitarra eta ahotsean, bi historiko, taldearen hasieratik daudenak. Haiei laguntzen, Ander zarauztarra bajuarekin, eta Ibon Sagarna Ibi, hernaniarra, baterian.
Kanta klasikoak eta berriak joko dituzte, eta bi ordu eta erdiz ariko dira.
Lau rock talde, dohainik
Rock zaleek ez dute nolanahiko paotxa bilatuko, sekulako kontzertua antolatu baitute Anboto tabernak eta Hernaniko Udalak, eta erabat dohainik. Atsegindegin izango dira, 19:00etan hasita, orden honetan: Aski da, The Zepo, Gaur ez, eta Barricada.