Sozialistek diote Bildu nabarmen geratzen dela bere iniziatiba faltagatik

Hernaniko Kronikara bi­dalitako prentsa oharrean, Hernaniko PSE-EEk dio Bil­duk iniziatibarik ez duela, eta horrek nabarmen uzten duela. Kritikatu dute Bilduk lidertza falta duela, eta bes­teen pro­po­sa­menak era­bil­tzen ari dela, adibidez, kirol arloan. «2008ko uztailaren 12an, larunbatez, prentsak pu­blikatu zuen PSE-EEk az­terketa bat eskatu zuela, Her­naniko kirol jarduerei bu­­ruz. Azterketa horretan azaldu behar zuen zer kirol egiten den Hernanin, zenbat lagu­nek parte hartzen duten, eta ze adinetakoak. Enkuesta bat egitea ere eskatzen ge­nuen, hernaniarren iritzia jakiteko, zer falta zen eta zer zegoen hobetzeko. Hortik abiatuta aurrera begirako plangintza bat egitea pro­po­satzen ge­nuen. 2010­eko irai­laren 14an, berriz ere eskaera hori bera pu­­bli­katu zen prentsan». Prentsa oharrak horrela ja­rraitzen du: «Sozialistok ur­teak daramazkigu azterke­ta hori eskatzen, eta oraingo ekintzak ikusita ematen du Bildu ideiarik gabe dagoela. Iniziatiba eta lidertza falta nabarmenak dira». Bukatzeko, PSE-EEk dio beste arlo batzuetan ere ber­din gertatu dela. «Gogo­ratu nahi dugu herriko hainbat kale asfaltatzeko eskatu ge­nuela, eta kasu egin digutela dirudien arren, oraindik kale asko geratzen direla egoera penagarrian».