Bioeraikuntza ikastaroa gaur bukatuko da, eta parte hartzaileak gustora

ergobi eta Martindegi ar­tean bioeraikuntza ikas­taroa eman dute azken hamar egu­netan, eta gaur dute azken egu­na. Balorazio ona egin dute parte hartzaileek, Luis Intxaus­pe Alkateak Kro­ni­kari adierazi dionez. «Balo­ra­zio positiboa, oso positiboa egiten dugu ikastaroarena. Ikasleak gustora, irakasleak gus­tora, eta orokorrean jen­dea oso gustora egon da». Romi Etxea izeneko proiek­tuaren barruan antolatu di­tuzte ikastaroak, eraikuntzak modu natural eta merke ba­tean egiten erakusteko. Be­rez, Uru­mea bazter horretan Erru­ma­niar Kanpamendu bat dago, eta haiei lagun­tze­ko egindako ikastaro bat izan da, Hernaniko eta Astiga­rra­gako Udalak an­tolatua. Ura Agentziarekin izan­da­ko iritzi trukaketari buruz ez du ezer adierazi Intxauspek, eta ikastaroaren helburuak bete direla adierazi du. «Erru­maniar komunitate horri la­gun­tza eman nahi genion, tek­nikak erakutsi beren bizi baldintzak hobetzeko; eta jendea oso gustora geratu da». Atzo sute bat izan zen kan­pamendu ho­rre­tan. Kronikari jakinarazi zitzaionez, istripu txiki bat izan zen, eta kalterik ez zuen eragin.