Amaia Irazustabarrena hernaniarrak Munduko Txapelketa jokatzeko beste aukera bat izango du aurten, bera aukeratu baitute 22 urtez azpikoetan jokatzeko, Espainiako Selekzioan. Maitane Aburuza zizurkildarra eta Rebeka Contin nafarra lagun izango ditu Irazustabarrenak, urriaren 13tik 19ra jokatuko den txapelketan. Aurrean izango dituzte munduko selekziorik onenak. Frantzia eta Venezuelaren kontra dituzte hasierako partiduak, eta hortik aurrera egiten badute, Mexiko, Argentina eta Uruguay izango dituzte aurrean. Uruguay omen da faboritoa, Uruguayen bertan jokatuko den Munduko Txapelketa irabazteko. Aukeratzeko probak egiten aritu diren beste hernaniarrak: Ariane Arrieta, Miren Goikoetxea eta Eli Pagola.
Hiru partidu bihar Hernanin
Hiru pala partidu jokatuko dira bihar, 10:30etatik aurrera Hernanin.