Ginkana izango da gaur 17:00etatik 19:30etara Atsegindegin, kirol egokituko ginkana hain zuzen ere. Mugikortasun Astearen barruan bost urtez antolatu dute ginkana hau hainbat taldek, eta helburua bat da: desgaitasunen bat duen pertsonaren lekuan jartzea. Nire lekuan jarri izena eman diote ekitaldiari, eta antolatzaile lanetan hainbat talde ari dira: Kemen (desgaitasuna duten pertsonen Euskadiko taldea) eta Hernades (Hernaniko boluntarioak). Laguntzaile: AGI (ikusmen gabezia dutenen Gipuzkoako elkartea), AGAEB (Bizkar-hezur bifidoa dutenen Gipuzkoako elkartea), eta Koxka elkartea.
«Zailtasunak eta
gainditzeko aukerak»
Helburua da bertara joaten dena desgaitasunen bat duenaren lekuan jartzea. Hala dio Koxka elkarteak, «zailtasunak ezagutzea, eta horiek gainditzeko aukerak, ikustea baliabideak izanez gero, desgaitasunen bat duenak ere gozatu dezakeela kirola eta jokoekin. Denei gonbitea egiten diegu gaur azaltzeko».
Azalpenak emango dira eta probak puntuatu
Proba guztiek zer ikusia izango dute desgaitasunen batekin: izan desgaitasun fisikoa, mugimenduzkoa, zentzumenezkoa... Arduradun batek azalpenak emango ditu, eta puntuatu egingo dira probak: sinpatia, jarrera eta besteekiko borondate ona puntuatuko dira.
Bukaeran, txokolatadarekin bukatuko dute.