Hiru ekitaldi izango dira aste honetan Etiopiako Wukro herriaren alde, gaur, margo erakusketarekin hasita. Hernaniko Wukrorekin taldeak antolatuta, Elkartasun Jardunaldiak izango dira Hernanin, Angel Olaran misiolaria egiten ari den lanari laguntza emateko.
Margo erakusketa,
tailerreko materiala erosteko
Gaurtik hasi eta larunbata bitartean, margo erakusketa izango da Hernanin, Wukroko umeek egindako 18 margolanekin. 18 eta 40 euro bitarteko lanak dira, eta diruarekin pintura tailerrerako kaballeteak erosi nahi dituzte.
Hitzaldia izango da ostegunean, Lierni Fernandez eta Albert Rosen eskutik. Bi gazteok Wukron izanak dira, eta hari buruz ariko dira.
Igandean, Elkartasun Bazkaria dute Txantxangorrin, eta txartelak erosi litezke,
22 euroan, Iruretagoienan, Mikel Lujanbiori eskatuta, edo osteguneko ferian.