Ostiralean esandakoa betez, dena eman zuten

Hernanik atzo ekin zion ligari Valladolideko Queso­sen aurka. Trikoloreek partidu zaila zuten aurrean, iazko txapeldunaren eta Superko­pako irabazlearen aurka eta ez zen nahikoa izan zelaian erakutsitako kemena; 38-22 galdu zuten. Hala ere, maila ona eman zuen taldeak eta azken 10-15 minutura arte defentsako bonusa lortzekotan egon zen, markagailuan 21-17ko aldea zegoela. Aurreneko zatian, gainera, aurretik ere jarri ziren hernaniarrak: 13-14. Sentsazio onarekin egin zuten etxerako buelta. Entsaioak: Ion Olano, Pello Perez eta Aritz Otaegik.
Hernanik talde gaztea du aurtengo denboraldian (erdia baino gehiago, 90eko hamarkadan jaioa) eta os­ti­raleko aurkezpenean Joxe Elo­segi arduradunak esan be­zala, erronka haundia dau­kate denboraldi honetan. «Tal­de eraberritua dugu, baja asko izan baititugu, eta aurpegi be­rri asko dugu. Gazteak dira, gure harrobian prestatuak. Urte mordoan erakutsi dugu erronkei aurre egiteko gai garela eta aurten ere hala izango da. Dena emango dute zelaian eta poliki, joango gara gure lekuan jartzen». Orain arte bezala, zalego guztiaren bultzada ere beharrezkoa izango dela gaineratu zuen.

Aurkezpena, herenegun
Ostiral arratsean izan zen Ohorezko Mailako taldearen aurkezpena Tilosetan. Jokala­riak eta ekipazio berriak ezagutzeko aukera izan zen, besteak beste. Igor Genua eta Manex Casado dira taldeko kapitainak eta azken honek hartu zuen hitza. Konfiantza badutela eta aurreko urtekoari eutsiko diotela azaldu zuen.
Jon Insausti Intxetari ere hitza eman zioten. Jokalari hernaniarrak urteak egin ditu Donibane Lohitzunen jokatzen eta etxera itzuli da aurten. Bi talde eta bi liga oso desberdin ezagutu ditu eta aldea oraindik haundia izan arren, Hernanin gauzak asko hobetu direla azpimarratu zuen eta Ohorezko Mailako ligan konpetitzeko gai dela.

Taldeari laguntza eta babesa ematen diotenei, eskerrak
Juan Rodriguez lehendakariak eskerrak eman zizkien taldeari laguntza eta babesa ematen diotenei. Azaldu zuen, taldea ekonomikoki aurrera ateratzeko gakoa erokeriarik ez egitea dela eta atzetik dagoen lagun­tza: «Jokalari guztiak amateurrak dira. Horrez gain, dirua ateratzeko ekintza eta kanpaina ugari antolatzen dituzte. Taldetik kanpoko boluntarioen laguntza ere ezinbestekoa da eta baita zaletuena ere. Bazkide eginez, sarrerak erosiz... asko laguntzen diguzue. Eta aparte, diruz laguntzen gaituzten enpresak daude».
Udal ordezkariak ere ger­tu­ratu ziren aurkezpenera eta Beñat Amenabar Kirol zinegotziak errugbi elkartearen la­na eta filosofia goraipatu zitu­en, eredugarritzat hartuz.

2013-2014 denboraldiko jokalariak
ABIZENA	IZENA	ALT.	PISUA	JAIOTERRIA
APAOLAZA	JON	1,72	93	HERNANI
ARAMBURU	EKHI	1,87	98	HERNANI
BARANDIARAN	PATXI	1,80	110	SARA
BECERRA	UNAI	1,84	110	HERNANI
BERROUET	MATTHIEU	1,69	85	SARA
CASADO	MANEX	1,83	87	ASTIGAR.
COLLADO	MATTIN	1,74	66	HERNANI
ERROIZENEA	XABAT			HERNANI
ESNAL	JOKIN	1,79	76	HERNANI
ETXEBERRIA	IGOR	1,87	77	HERNANI
GALDEANO	JON	1,76	72	HERNANI
GARMENDIA	OIER	1,72	75	HERNANI
GENUA	IGOR	1,77	78	HERNANI
GUTIERREZ	ANDER	1,87	87	HERNANI
INSAUSTI	JON	1,80	110	HERNANI
IRADI	BEÑAT	1,88	108	HERNANI
LEONET	IÑAKI	1,83	78	HERNANI
MUJIKA	MATTIN	1,75	77	HERNANI
OLANO	ION	1,79	90	HERNANI
ORBEGOZO	MIKEL	1,75	100	HERNANI
OTAEGI	ARITZ	1,96	90	HERNANI
OTAÑO	UGAITZ	1,77	89	HERNANI
OTEGI	ARKAITZ	1,94	120	HERNANI
OTXOTORENA	JON	1,85	88	HERNANI
OTXOTORENA	IÑAKI	1,81	101	HERNANI
OTXOTORENA	MIKEL	1,84	93	HERNANI
PELAZ	DAVID	1,79	86	HERNANI
PEREZ	MIKEL	1,92	83	HERNANI
PEREZ	PELLO	1,84	88	HERNANI
SILGUERO	JOSEBA			HERNANI
UZKUDUN	JOKIN	1,74	72	HERNANI
ZABALETA	MIKEL			HERNANI
ZINKUNEGI	BEÑAT	1,83	88	URNIETA
ZUMALABE	JON	1,64	71	HERNANI