Gaur ekingo dio ligako ibilbideari Ohorezko Mailako taldeak (atzo izan zen taldearen aurkezpena Tilosetan. Biharko Kronikan landuko da gaia). Eta oso partidu zailari egin beharko dio aurre, hasteko. Joan den denboraldiko eta Superkopako txapelduna izango dute aurkari: VRAC Quesos Entrepinares. Azken urteetan, talde trikolorean izugarrizko lana egin duten hainbat jokalarik erretiroa hartu dute eta asko izan dira aurreneko taldera salto egin duten gazte hernaniarrak. Hori horrela, oso talde gaztea osatu du Hernanik denboraldi honetarako, baina ez horregatik eskasagoa. Ilusioarekin eta lanerako gogoz dira eta gaur bertan, hori erakustera aterako dira zelaira.
Valladolidek aldaketa gutxi
Valladolideko taldeak aldaketa gutxi egin ditu iazko denboralditik, nahiz eta, Lisandro Arbizu entrenatzaile frantziarraren ordez, Diego Merino etxeko entrenatzaile gaztea sartu.
Jokalarien artean, berriz, bertan jarraitzen dute, Blancok, Gavidik, Newtonek, Molinak... aurrekaldeko jokoari maila haundia emanez. Alex Gutierrez Muller, Perico Martin, Sergio Fernandez... ere bertan izango dira.
Joan den denboraldiko bi neurketetan nagusi izan zen Valladolideko taldea eta horri buelta emateko gogor borrokatuko dute hernaniarrek.
Partidua Valladolideko Pepe Rojo zelaian jokatuko da arratsaldeko 17:00etatik aurrera.
Emakumeen taldea, Landaren
Emakumeen taldeak, Euskadiko VIIko Txapelketako 1go jardunaldia jokatuko du gaur Landaren, 15:00etatik aurrera.