Lasto, egur eta buztinezko etxeak egiteko ikastaroan, gustora

Lastoa, egurra, buztina, ha­rria, neumatikoa... hau da, material berriztagarri eta be­rrerabiliekin, etxeak edo eraikinak nola egin erakusten ari dira egunotan, Ergo­biko errumaniar komunitatearen ondoan. Ikastaroa antolatu du­te Hernaniko eta Asti­garra­gako udalek, Ekian bioeraikuntza profesionalen elkarteak eta Romi Bidean elkarteak. Asteartean hasi zen ikastaroa eta atzo, orain arte egindakoaren berri eman zioten prentsari. Bertan izan ziren Glori Mendinueta Hernaniko alkateordea, An­doni Gartzia Astigarraga­ko alkatea eta Ekian elkarteko bi kide, besteak beste. Ikastaroa martxa onean doala azaldu zuten. Gartziak gogorarazi zuen ikastaroaren helburuak bi direla: «Errumaniarrek bizi duten egoera hobetzea eta bioeraikuntza bultzatzea; eraikuntzarako beste bide bat». Bi eraikin mota egiten ari dira: areto sozial bat, bertan bizi diren errumaniarrek erabiltzeko, eta etxe prototipo bat, bulego bezala erabiliko dutena. Arduradunak bezala, ikasleak ere gustora ari dira. De­ne­ra, 32 lagun ari dira ikastaroa jasotzen; horietatik 4 Her­na­ni­koak dira eta 3, udal langileak dira. Jaxone Usandizaga da her­­naniar horietako bat eta ikas­taroa egitearen arrazoia azal­du zion Kronikari: «Bioe­rai­kuntza lehendik ere ezagu­tzen nuen eta aukera ederra iru­ditu zitzaidan herrian bertan ikastaroa jasotzea. Interes­garria da oso, norberak eraikitzen duelako, material naturalak erabiltzen direlako eta jendearen arteko lanean oinarritzen delako, konstruktoretatik al­den­duz». Errumaniarrak ere ari dira ikastaroa jasotzen: 8, hain zuzen. Horietako lagun batek azaldu zuen asko ikasten ari direla eta ikastaroa oso baliagarria zaiela: «bizi kalitatea hobetzen lagunduko digu».