Euskal Jaiak izango dira asteburu honetan Hernanin eta urtero bezala, igandean Sagarra eta Sagardoaren festa izango da. Tolarek antolatu du, Gipuzkoako Sagardo Naturalaren Kofradiak. Besteak beste, 11:30etan, Hernaniko 12 sagardotegietako sagardoak probatzeko aukera izango da, Plazan. Pintxoak ere izango da sagardoari laguntzeko. Sagardotegiak honakoak dira: Akarregi, Alberro, Altzueta, Elorrabi, Goiko-Lastola, Iparragirre, Itxasburu, Larregain, Olaizola, Otsua-enea, Rufino eta Zelaia. 12:00etan, sagarra kizkiarekin nola biltzen den erakutsiko dute. Eta 12:30etan, sagardoa nola egiten den azalduko du Joxe Mari Irizarrek, Barkaiztegi sagardotegikoak.
Sagar desberdinen
erakusketa
Sagar mota desberdinen erakusketa ere izango da. Aukera ederra sagar desberdinak ezagutu eta probatzeko.