mugimendu dezentekoa zen atzo arratsaldean Atsegindegin, udaberri-udako arropa eta konplementuek erakarrita. Denboraldia pasa da, eta stockean geratutako arropak atera dituzte plazara Hernaniko eta inguruetako dendariek. Guztira 13 postu jarri dituzte; horietatik 10 hernaniarrak eta 3 ingurukoak eta ez hain ingurukoak (Durangotik etorriak ere baziren). Deskontu haundiak izaten dira Stock Azokan, eta atzo ere 10-15 euroan gauza dezente bilatu zitekeen; erdi prezioan, eta baita deskontu haundiagoarekin ere. Postu gehienetan arropa jarri dute salgai, baina koplementuak ere badira.
Bigarren eta azken eguna
Gaur goizean ere izango da azoka Atsegindegin, 10:00etatik 14:30ak arte. Umeentzat puzgarriak izango dira.