Magia, jokoak, txokolatada... umeek badute non aukeratu

FESTA giroan sartu eta on­do pasatzeko adina izaten da gutxienekoa. Umeen ka­suan ordea, ilusioa berezia izaten da, eta are gehiago, norberaren auzo­ko festak direnean: etxe ondoko la­gunak, ikasto­lako lagu­nen bisita... La­tsun­beberri eta Marielu­tsen bizi diren neska-mutilek aurten ere badute non aukeratu, eu­rentzako ekitaldi mordoa antolatu baitituzte; gehien­bat, bihar, larunbatean. Kirola izango da pro­tagonista gaurko ekital­die­tan: frontenis eta esku­pelota txapelketak jokatu­ko dira arratsaldean. Ilun­tzearekin batera, magiak hartuko du erreleboa. 21:30­etan Martxel magoak jarriko du ikuskizuna. Umeei zuzenduta, bi­har­ko eguna izango da egun haun­dia. Betiko jo­koak an­tol­atu dituzte goi­ze­an, hala nola, zaku las­terketa, altxo­rraren bila, zinta lasterketa (bizikleta eraman behar da), zapi jokoa eta mahai fut­bola. Marrazki lehiaketa eta bu­ruhaundiak ere, izango dira eguerdira bitartean. Arra­­tsaldean puzgarriak ja­rr­i­ko dituzte Marielu­tsen, Kirol­de­gi parean eta balio­as­­kotako pistan; az­ken ­ho­ne­tan ohe elastiko­ak ere izan­go dira. Eta eguna ez da hor buka­tzen. Ping pong txapelketa ere, bihar arra­tsal­dean joka­tu­ko da. Eta bukatze­ko, go­zo­a nagusi: txo­ko­latada!