Orona Fundazioaren edifizioa inauguratu zuten atzo, Galarretan, eta hori da hain zuzen, Orona Ideo proiektuak izango dituen hiru edifizioetako bat. Mondragon Unibertsitatearen goi mailako ingenieritza graduak bertan emango dira, besteak beste. Pausu asko batera eman zituzten atzoko ekitaldiarekin. Izan ere, Oronak 50 urte bete ditu aurten, eta atzoko ekitaldia aprobetxatu zuten Oronako fundatzaileak omentzeko. Fundatzaileek fundazioari eman zioten Orona sortu zeneko akta liburua, eta Oronak entregatu zien liburuaren erreplika bana, eta Orona Ideoren maketa.
«Orona Fundazioaren bidez zabalduko dugu Oronaren alderik humanoena»
Orona Ideo proiektu haundi bat izango da, eta Orona Fundazioak alderik humanoena ordezkatuko du. Gizarte osoari zerbitzua emateko sortu da Orona Fundazioa, irabazi askomorik gabeko elkartea. Besteak beste, Hernaniko Udalak ere parte izango du Orona Fundazioan, eta lau helburu nagusi dituzte: 1) Instituzioekin elkarlana, garapenerako; 2) Instituzioekin lortzen den lan eredua nazioartean zabaltzea; 3) Hezkuntza garapena, unibertsitatearekin lan eginez, ukitu berezia izango duten proiektuen bila;
4) Inguruko zonaldeak garatzea, herritarrekin lotura bilatu, eta garapen soziokultural eta hezkuntza mailakoa bilatu, aberastasuna sortzeaz gainera.
Besteak beste, bi aste barru Orona Fundazioaren egoitzan goi mailako bi gradu ondoko hasiko dira, Mondragon Unibertsitateak eskaintzen dituenak, eko ingenieritzari buruzkoak.
Manolo Trueba: «Gure ondarea hemen uzten dizuegu, liburu forman»
Oronak 50 urte bete ditu aurten, eta besteak beste, 1964an kooperatiba sortu zuten 23 kideak omendu zituzten. Manolo Truebak hitz egin zuen beraien izenean pozez, eta falta dituztenak gogoan. «Gaur hunkitu egiten gaitu ikusteak, guk erein genuen hazi hark zerbaiterako balio izan duela (gaur egun 4.000 pertsona daude Oronari lotuta). Gaur gure ondarea hemen uzten dizuegu, zuei, liburu moduan».
Guztira fundatzaile haietatik 13 azaldu ziren atzoko ekitaldira, eta haiei eta euren bikotekideei eskertu zitzaien egindako lana eta esfortzua.
Omenaldian ziren, Oronako egungo arduradunak eta lehengoak, Hernaniko udal arduradunak, Buruntzaldea, Oarsoaldea eta Bidasoaldeako udal arduradunak, Gipuzkoako Diputazioko arduradunak, eta abar luze bat. Luis Intxauspek, Hernaniko alkateak proiektu hau hasi zutenei eskerrak eman zizkien, bereziki Javier Mutuberriari, eta adierazi zuen Oronak asko lagundu diela hernaniarrei orain arte, eta aurrerantzean ere hala segiko duela ikustea garrantzitsua dela; «gehiago, krisi ekonomikoak jotako garaiotan».
Martin Garitanok kooperatibaren baloreak azpimarratu zituen, beste enpresentzat eredu moduan.