Urumea ikastolako patioa umeek erabiltzeko izango da eskola egun eta ordutan, gaur hasiko den kurtsoan. Gainerako orduetan kotxeak aparkatu ahal izango dira, baina eskola egunetan atera egin beharko dira, ordutegi horretan. Goizeko 08:30etatik 14:30etara ezingo da aparkatu, beraz, eta umeek izango dute preferentzia. Horrez gain, edifizio horretatik Milagrosako kapera aldera atera ahal izango dute, edo Gay Murreko edifiziora joan ahal izango dute parkinetik pasa gabe, horretarako Udalak arranpa berria jarri baitu Sandiusterri kalera.
2014ko ekainera arte
horrela izango da
Erabaki hori ikasturte baterako hartu du Udalak, eta 2014ko ekainera arte iraungo du. Joan den ikasturtearen bukaeran, uztaila aldera, hainbat alde elkartu eta negoziatzen aritu ziren, patioaren inguruan. Bilera horietan adostu zuten erabakia. Negoziatu zuten aldeak: Hernaniko Udala, Urumea ikastola, Urumea ikastolako gurasoak, Berriak merkatari elkartea, eta Lizeagako auzo elkartea, hain zuzen ere.