Udako oporraldiaren ondoren, Banaiz Bagara elkarteak martxan jarriko ditu berriro euskerazko oinarrizko saioak, bihartik aurrera. Hala azaldu dute: «Euskera era xinplean ikasten da, egunero topatu daitezkeen egoeren aurrean euskeraz egin ahal izateko, bai lagun artean, bai kalean eta baita lanean ere. Saio hauek egokiak dira etorkinentzat eta euskeraz ikasten ari diren haurren gurasoentzat». Saioetan, euskal kultura ere lantzen dute: euskal kantak, dantzak, kirola, jaiak... Lan munduari zuzendutako ikastaroak ere eskaintzen dituzte.
Hernanin, larunbatero jarri dute hitzordua taldean elkartzeko: 10:30etan Biterin eta 17:00etan Txema tabernan. Parte hartzea doakoa da eta ez da euskera ezagutza mailarik behar. Egitasmo hau, Udalek (Hernanikoak, tartean), Foru Aldundiak eta Eusko Jaurlaritzak lagundua da.
Harremanetarako, deitu: 645 733 818.