Kabila edo Gurutzeta auzoan egun osoko festa antolatu dute bihar. Urtero bezala, giro ederra jartzeko asmoz, hainbat ekintza antolatu dituzte. Hasteko, 11:30etan, txalapartariak eta txistulariak girotuko dute auzoa. Ondoren, sagardo dastaketa izango da Kabilako sagardotegien eskutik eta bazkari ederra ere antolatu dute, trikitixa eta guzti.
Arratsaldean, umeen txanda izango da eta jolasak izango dituzte. Zezensuzkoarekin agurtuko dituzte festak.
Egitaraua
11:30, txalapartariak eta txistulariak jaiari hasiera emateko.
12:00, Kabilako sagardotegien sagardo probaketa.
14:00, bazkari herrikoia trikitixarekin girotuta.
18:00, haur jolasak Akelenea jatetxearen eta Gurutzeta sagardotegiaren eskutik.
20:00, zezensuzkoa.