Aurredenboraldiko bigarren partidua jokatu zuen Hernanik igandean Landaren. Iparraldeko Angelu taldearen kontra neurtu zituzten indarrak, eta 5-40 galdu bazuten ere, larunbatekoan, emaitza izan zen gutxienekoa. Denboraldia prestatzeko asmoz jokatzen ditu Hernanik aurredenboraldiko partiduak, eta larunbatekoan, jokalari gazteei lekua uztea zen helburuetako bat. Taldearen asmoa da hauek minutuak hartu eta taldera egokitzen joatea, batez ere, alde fisikoan aldaketa asko dagoelako maila batetik bestera. Denboraldia hasi aurretik taldeak baditu zenbait erronka. Datorren astean kontzentrazioa egingo dute alde teknikoa lantzeko; eta liga hasi baino astebete lehenago Eibarren kontra neurtuko da Hernani. Liga irailaren 14an hasiko du VRACen kontra.
Bazkide kanpaina,
gaurtik martxan
Herritarren indarra behar dutela eta, bazkide edo abonatu kanpaina jarriko du martxan Hernanik gaurtik aurrera. Astelehenetik ostegunera, 18:00etatik 20:00etara izango da bazkide egiteko aukera, Landaren. Beste momenturen batean egin nahi duenak ere izango du aukera, herriko tabernetan: Rioja, Zintzarri, Haida, Joxe Mari, Kide, Ekos, Leoka, Karrero, Rufino, Txili, Aralar, Bodega, Atxur, Caserio, Kixkal, Tamer, Zumitza, Onddi, Tripontzi, Goiz Argi, Depor eta Irizarren. Erdigunean ere, jarriko dituzte salmenta puntuak.