Hastear den ikasturte berrian bi master berri egiteko aukera jarri dute Basque Culinary Center unibertsitatean.
Masterretako bat jatetxeetako pastelgintzan eta sukaldaritza gozoan oinarritzen da. Sukaldari eta pastelgileei dago zuzendua. Master honek aukera ematen du sektorean espezializatu eta pastelgintzako azken tendentziak ezagutzeko.
Sumilleria eta Enomarketinga landuko da bigarren masterrean. Ostalaritzan titulua dutenei dago zuzendua eta baita Unibertsitateko Lizentziatuei ere, ardogintzan dituzten ezaguerak zabaldu nahi dituztenei. Sumillerian espezializatuta daudenei zuzendua ere badago master hau, eta baita produktu honen komertzializazioan edota esportazioan lan egiten dutenei.
Urtarriletik aurrera
Bi masterrak 2014ko urtarrilean hasiko dira eta 6 hilabetekoak izango dira. Praktikak egin eta ikasten jarraitzeko bidaiak ere, izango dituzte. 1.500 orduko masterrak dira, eta momentuko eta sektoreko adituek hartuko dute parte, seminario eta Master Classen bitartez.
Informazio gehiagorako bisitatu unibertsitatearen web orria: www.bculinary.com.