ASTELEHENEAN hasi ziren asfaltatze lanak uste baino azkarrago joan direla eta, Udalak prentsa oharra bidali du Kronikara, azken aldaketen berri eman eta herritarrei eskerrak emateko. Oharrean dio abiadura dela eta, trafiko aldaketak bere onera etorri direla ia bere osotasunean: «mantentzen den aldaketa bakarra gaur eguerdira arte izango da. Elkano kalea itxita egongo da Kiroldegi parean, eta ondorioz, Txirrita kalean bi zentzuak mantenduko dira. Orain pintaketa lanak egiten ari dira, eta tarteka trafikoan eragin arren, ez da aldaketarik izango».
Eskerrak herritarrei
Oharrean eskerrak ere ematen dizkie Udalak herritarrei: «lanek iraun duten bitartean izandako jarreragatik eskerrik asko guztiei».