Sorpresarik ez zen egon San Miguel eta Endikaren arteko lehian. Ligaxkako az-keneko partidua jokatu zuten astearte arratsaldean, Kutxa Saria txapelketa haundikoa. Asko zegoen jokoan, irabazleak finalerdietarako pasea lortuko baitzuen, eta Julen San Miguel faboritoak ez zuen aukera pasatzen utzi. Doneztebeko atzelaria hobea izan zen partidu guztian. Peloteoan nagusi izan zen eta sakearekin zer esanik ez; izugarrizko abiadura eman zion pelotari eta 12 tanto egin zituen. Hasieratik aurreratu zen markagailuan, alde dexenterekin; 16-6 izan zen partzialetako bat. Eta azken emaitza, 22-11; emozio askorik gabeko partidua izan zen, asteartekoa. Katedrak ez zuen hutsik egin, eta San Miguelek lortu zuen finalerdietarako aurreneko pasea. Talde honetako bestea Juaristik eskuratu du, taldeko bigarren erremontista onena izateagatik. Ligaxkako azkeneko partidua, Urtasun eta Ezkurraren artekoa asteartean jokatuko da, Ezkurrak arazoak baititu besoan.
Barrenetxea IVak
partidua, gaur
Kutxa Sariaren atsedenaldia aprobetxatuta, erremonte jaialdia izango da gaur Galarretan. Lau partidu jokatuko dira, tartean, Endika Barrenetxea hernaniarrarena. Jaialdia 16:00etan hasiko da, eta partiduak hauek izango dira: Otaegi-Saldias/Ezkurra-Larranaga; Urriza-Ion/ Juaristi-San Miguel; Etxeberria -Agirrezabala/Etxabe II-Barrenetxea IV; eta Segurola-Olazar/Matxin VI-Zubiri.